話說我係一個肥仔.
我訛稱要減肥的日子都超過左十幾個年頭.
跑步, 去加州紅做gym, 禁食(零食... 頂盡幾日), 減肥比賽.... 通通試過晒, 亦失敗過晒.
最後, 竟然俾我搵到一個真真正正work的 "心跳減肥法"
我前年參加減肥比賽, 三四個月內由最最最重的 80KG 減到去 70KG, 仲即時靚仔左唔少
咁你一定會問, 係咪 1.地獄式減肥? 2.過程辛苦嗎? 3.最後有無反彈?
答案:
1. 絕非, 仲日日出街食足3餐 (但的確盡量少食零食)
2. 減肥過程輕鬆到我自己都唔信, 開頭仲懷疑我算唔算減緊肥?
3. 之後完全無再刻意減過肥, 都可以keep住 71-73KG 到依家
p.s. 絕非靠藥物!!!
係咪好想知道個方法呢??????
其實個名已經話左俾大家聽, 就係"心跳減肥法"
道理我唔多講, 以下網頁已經好清楚咁用科學既理論去解釋晒:
http://www.relativehumanity.com.tw/life/exercise/exercisetheory/exercise&fat.htm 講返我既心得.
先前胡亂跑步減肥, 一落街就好有決心, 衝衝衝住跑, 之後過得10分鐘就已經好辛苦索晒氣, 返到屋企仲有抽根/酸痛/膝蓋痛等既情況, 所以一直都唔可以堅持到.
知道左呢條屈機方之後, 帶住條心跳帶* 並懷住半信半疑既心態開始我第一次跑步
一開始望住條心跳帶, 唔信! 唔信! 講真??? 要跑得咁慢???
因為我既目標心跳應該係135, 但係我既速度慢到好似"扮跑"咁慢, 咁舒服!!
比賽期間一星期兩三次, 聽住歌/radio/講住電話, 每次輕輕鬆鬆無難度地跑左1-1.5hr
(15min之後先開始燒脂, 所以每次長d跑少次 好過 跑多但短)
神奇既事出現啦....
減肥比賽之前, 其實我有好明顯既心臟病症狀, 例如心絞痛, 不正常心跳, 心臟唉住唉住等等
但一跑左兩次步, 呢d症狀係突然100%消失得無影無蹤
而且我條皮帶本來係爆既, 最後係可以扣-4格! 即前後減左約10cm!
體重亦明顯地銳減10KG!!
最緊要人唔覺無力, 唔會支力, 再加上我仲可以正常食足3餐! (但減零食, 減宵夜)
呢個減肥法個核心係心跳率, 所以無論係跑步/跳/stepping/亂郁/跳繩/打牌/行樓梯都全部ok!
試過有次落雨, 我只係在家睇住戲 + 周身亂郁都ok! 心跳先決!
好好好.... 作為一個減肥失敗無數次既肥仔, 最後都搵到佢既好歸宿, 希望呢條屈方都可以幫到大家!
我... 步飛.... 由今個星期開始, 亦都正式宣佈開始再次減肥!
P.S. 呢條方唔需要食藥, 但需要一條"流動心跳計帶"
我識人買, 但意外買多左一條無用, 正諗住放上網bid
如果你地有人想要, 半價出售 (原價~$500, 依家$250)
或且你想買新的, 就自己去搵, 多謝
Comments (1)
又有隻錶又有條帶@@?
咁條帶有咩用=o=?